خەڵاتى بنکەى ئۆلاف پاڵمە بۆ ساڵى 2007 ى زاینى درا بە پەروین ئەردەڵان هەڵسوڕاوى مافى مرۆڤ لەشارى سنە. پەروین ئەردەڵان دانیشتووى شارى سنەیەو یەکێکە لە دامەزرێنەرانى ناوەندى فەرهەنگى ژنان لە بەڕێوەبەرانى گۆڤارى داخراوى ژنان و هەروەها سەرنووسەرى بڵاوکراوەى ئینترنێتى " تریبونى فیمینیستى ئێران " و ئەندامى دەستەى نووسەرانى گۆڤارى " زەنستان " ە.

هەروەها یەکێک لە گەڵاڵە داڕێژەرانى کەمیپینى یەک میلیۆن ئیمزا لە ئێران کە دواى وەرگرتنى ئەو خەڵاتە ڕاى گەیاند: ئەم خەڵاتە تەنیا لە هەوڵى من نەبوە و لەراستى ئەم خەڵاتە مولکى هەموو ئەو ژنانەیە کە لەبزوتنەوەى ژنان کاریان کردوە.
ناوبراو وتى : ئێمە خۆمان لەناو وڵات هەڵسورانى ئاشتیخوازانەو مەدەنیانە درێژە پآ دەدەین و هەوڵ دەدەین هەوڵەکانمان بەرین تر بکەین و هیوادارم ئەم خەڵاتانە بتوانآ ڕۆڵى بەرچاوى هەبآ لە بەردەوام بوون لە هەوڵەکانمان. شایانى باسە ئەو خەڵاتە بە کەسانى وەک کوفى عەنان سەرۆکى پێشووى رێکخراوى نەتەوە یەکگرتوەکان و خاوێر پرێز دوکوئیار سەرۆکى پێشوترى ڕێکخراوى نەتەوە یەکگرتوەکان خەڵاتى پاڵمە کە دواى کوژرانى ئولاف پاڵمەى سەرۆک وەزیرانى سوئێد،لە ساڵى 1987هەرساڵە لە ڕۆژى 30 ژانویە ڕۆژى لەدایکبوونى پاڵمە، دەدرآ بە کەسانێک یاخود بنکەو ناوەندێک کە لەمەیدانى پارێزگارى و داکۆکى کردن لە مافى مرۆڤ تآ بکۆشآ.
نرخى خەڵاتى پاڵمە 75 هەزار دۆلارە